2020年6月5日
撰文/攝影:Rachel
大埔隱世恬靜的海鮮酒家! 這家酒家不單止環境清幽，而且還可以帶同狗狗一起來! 酒家面積 7000 多呎，有室外部份，帶埋毛孩一齊去飲茶就啱晒啦!
食物方面，他們的點心非常高質，每天都是由自家師傅新鮮製作!
蝦餃燒賣好好食;叉燒包比起一般酒樓做得出色好多，個包好軟熟，入面嘅叉燒油好多，又香又多汁!
後生仔最鍾意的蜜汁雞翼都做得好出色，雞翼給香甜的蜜糖包着，好脆、好惹味!
他們晚市更有即叫即燒的乳豬!即燒的乳豬皮脆肉嫩，不單非常好吃，而且還可以一睹師傅燒乳豬的情景!
酒家最好的地方是有免費泊車，帶埋毛孩去就可以慢慢歎番個茶，唔使急住走。
同大家介紹一下小編，我係一個鍾意周圍飲飲食食嘅女仔，如果好食的話，無論幾遠都會肯去。跟着每個禮拜都會在這裏同大家介紹美食，鍾意食嘅朋友記得留意啦。
這酒家是皇朝集團旗下的食府，我之前都在 Instagram (rachelctheworld)介紹過他們上海的分店，集團在世界各地都有餐廳，例如英國、上海、杜拜同泰國等等，有些更獲米芝蓮青睞，好多明星都經常去幫襯㗎!
皇朝漁苑
地址:大埔三門仔路
電話: 2665 7282
營業時間:每日 11:30 – 16:30 / 18:30 – 23:30
